Jai Hind!

കുട്ടിക്കാലത്ത്,സ്കൂളിൽ ഗൈഡ്സ്-എൻ സി സി യൂണിഫോം ഒക്കെയിട്ട്..നെഞ്ചത്ത് ഇന്ത്യൻ ഫ്ളാഗും കുത്തി രാവിലെ അസംബ്ലിയ്ക് പോവുമ്പോ ഒരു രാഷ്ട്രപതി പതാക ഉയർത്താൻ പോവുന്ന ഭാവമായിരുന്നു എനിക്ക്! തൊണ്ട പൊട്ടി" ജംണ്ഡാ ഊംച്ഛാ രഹേ ഹമാര" "സാരേ ജഹാംസെ അച്ഛാ" എല്ലാം പാടുമ്പോൾ ഞാനറിയാതെ എന്റെ കണ്ണ് നിറയുമായിരുന്നു, രോമങ്ങൾ എഴുന്നേറ്റ് നിൽക്കുമായിരുന്നു. ഇന്നും ദേശീയഗാനം കേൾക്കുമ്പോൾ എന്നെ എഴുന്നേൽപ്പിച്ച് നിർത്തുന്നത് ബാല്യത്തിൽ സ്വാതന്ത്ര്യ സമര കഥകളും മറ്റും കേട്ടു മുളപൊട്ടിയ ദേശസ്നേഹമാണ്! അല്ലാതെ പാകിസ്ഥാനിൽ പോവേണ്ടി വരുമെന്ന ഭയമല്ല! ഇന്ത്യയിൽ ജനിച്ചു വളർന്ന ഏതൊരാൾക്കും ഇന്ത്യ എന്ന വികാരം ഒന്നാണെന്നും ഞാനിന്നും വിശ്വസിക്കുന്നു..

സ്കൂളിലെ ആഘോഷങ്ങൾ കഴിഞ്ഞു വന്ന ശേഷം അയൽപക്കത്തെ ബാല്യകാല സുഹൃത്തുക്കളോടൊപ്പം ഇതു പോലെ ഒരു പതാക ഉയർത്തലും,പ്രസംഗവും, മിഠായി വിതരണവും നിറഞ്ഞ ഒരു ബാല്യവും എനിക്കുണ്ടായിരുന്നു എന്നതിൽ ഞാനഭിമാനിക്കുന്നു.