മരണമെത്തുന്ന നേരത്ത്..

എന്നെ എപ്പോഴും വലയ്ക്കുന്ന ഒരു ചോദ്യമാണ്...എനിയ്ക്കൊരുപാട് പ്രിയപ്പെട്ട ഒരാൾ മരിച്ചാൽ മൃതദേഹം കാണാൻ പോവണമോ വേണ്ടയോ എന്ന്...തണുത്ത് മരവിച്ച ജീവനറ്റ ശരീരം കാണുന്നതിലും ഓർമ്മയിൽ സൂക്ഷിക്കുന്നതിലും ഞാനിഷ്ടപ്പെടുന്നത് ആ ആളുടെ ജീവനുറ്റ ,പ്രസന്നമായ മുഖം എന്നും ഓർമ്മയിൽ സൂക്ഷിക്കാനാവും..

പക്ഷേ അവസാനമായിട്ട് കണ്ടില്ലെന്ന കുറ്റബോധം ഉള്ളിലിരുന്ന് വിങ്ങുമോ എന്നും അറിയില്ല. ഒന്നുറപ്പുണ്ട് മരണം എന്റെ പ്രിയപ്പെട്ടവരെ കവർന്നെടുത്ത് കൊണ്ടു പോവുമ്പോൾ നിസ്സഹായയായി നോക്കി നിൽക്കാൻ ഞാനിഷ്ടപ്പെടുന്നില്ല.

മരണത്തെ ഞാൻ ഭയപ്പെട്ടു തുടങ്ങിയിരിക്കുന്നു...